Presidenti rus Vladimir Putin ka thënë se aleanca e NATO-s e udhëhequr nga SHBA-ja nisi një luftë në qendër të Evropës në vitin 1999, kur filloi fushatën e saj bombarduese kundër Jugosllavisë.
Një çerek shekulli më vonë, agresioni nuk meriton asgjë tjetër veç dënimit, u shpreh Putin.
Lideri rus i bëri komentet e tij në një intervistë për një dokumentar të quajtur ‘Beogradi’ që po shfaqet të dielën dhe i kushtohet 25 vjetorit që nga fillimi i sulmeve ajrore të NATO-s.
“Ajo që bëri Perëndimi ishte krejtësisht e papranueshme. Pa asnjë rezolutë të Këshillit të Sigurimit të OKB-së, ata filluan drejtpërdrejt një operacion ushtarak, një luftë në qendër të Evropës dhe me bombardimin e kryeqytetit të Jugosllavisë, Beogradit”, tha Putin.
