Mjeku i njohur, Tritan Kalo ka njoftuar ditën e sotme lajmin e hidhur për ndarjen nga jeta të gruas së tij, Rozeta Kalos. Bashkëshortja e mjekut ka ndërruar jetë pas një beteje të gjatë me një sëmundje të rëndë.
Në një postim në “Facebook” mjeku Kalo bëri me dije ndarjen nga jeta të gruas së tij ndërsa ka ndarë disa copëza nga jeta e tyre bashkëshortore. Ai shkruan se nëna e tij dhe gruaja e tij ndërruan jetë në njejtën ditë amëshimi më 31 Maj, dhe të njejtën orë 14:15 në 13 vite distancë nga njëra-tjetra.
Postimi në rrjetet sociale:
31.05.2024…..Ora 14:15 dhoma 517 North, në Patient Center Care of Royal Jubilee Hospital, Victoria, BC, Canada, pushoj së rrahuri zëmra e ROZETA KALOS…. E mira, e urta, zemërbardha, e qeshura e shumëjetëdashura Rozeta Kalo, nuk do të mundet më fizikisht të jetë pjesë e të përditshmes në Familjen Kalo Jr, POR përjetësisht do të jetë e pranishme në mëndjet dhe në zemrat tona…..
Të tre yjet tona Besjana, Enkelejda dhe Genta Juna Kalo, patën mirësinë të rriteshin e edukoheshin nga një Nënë mjaft e dedikuar për familjen dhe për ecurinë mbrothësuese të saj…. Unë, Dr. Tritan Kalo, pata fatin të lidh jetën me një zemërbardhë, punëtore, familjedashëse, dijekërkuese dhe shpresësjedhëse si Rozeta Kalo (Qirjako)…..
Midis dy fotove të para shtrihet një hark kohor prej rreth 39 vitesh (18.07.1985 dhe 31.05.2024), nga koha e njohjes dhe e fejesës sonë deri në largimin për në Amëshim, të gjysmës sime më të mirë Rozeta Kalo….
VITE JETE të mbushura plot gëzime, përpjekje dhe dëshira shpresësjedhëse për Familjen Kalo Jr….. NË Elbasan ditën e dasmës dhëndri i këndon nuses:”E para moj është nëna, e dyta moj më je ti, të dyja të mira jeni, gjithë bota ju kanë zili!”
Mama e ka trajtuar Rozin si vajzën e vet, ndaj edhe Perëndija të dyjave u përzgjodhi të njejtën ditë amëshimi më 31 Maj, dhe të njejtën orë 14:15 në 13 vite distancë nga njëra tjetra më 2011 dhe më 2024….. Togethet forever and ever
