Një aksident automobilistik ka ndodhur në aksin Tiranë-Durrës, teksa raportohet se nga përplasja e makinave ka edhe të plagosur.
Mësohet se automjetet e përfshira në aksident janë katër.
Raportohet se pas aksidentit në vendngjarje kanë mbërritur dy autoambulanca për të transportuar të plagosurit.
Njoftimi i policisë:
Rreth orës 19:15, në aksin rrugor Sukth- Maminas, janë përplasur 4 automjete.
Si pasojë është dëmtuar drejtuesi i njërit prej automjeteve shtetasi B. Z dhe pasagjerja shtetasja K. B., jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
