Lakers kanë zbuluar një statujë të re të ndjerit Kobe Bryant dhe vajzës së tij Gigi, katër vjet pas vdekjes tragjike të tyre në një aksident me helikopter.
E veja e legjendës së NBA-së, Vanessa Bryant, zbuloi statujën prej bronzi të titulluar ‘Girl Dad’ në një ceremoni private jashtë Crypto.com Arena në Los Angeles.
E vendosur në një peizazh të ri kopshtesh në hyrjen e Rrugës 11, vepra artistike është krijuar nga Studio Rotblatt Amrany dhe paraqet Kobe me krahun e tij rreth Gigit ndërsa e puth në kokë.
Sipas Lakers, statuja i bën homazh ‘mbështetjes së familjes Bryant për gratë dhe vajzat në sport,’ dhe madje paraqet ikonën e basketbollit të veshur me një bluzë të WNBA.‘Homazhi përfaqëson trashëgiminë e jashtëzakonshme të basketbollit të Kobe dhe Gianna-s dhe marrëdhënien frymëzuese që Kobe ndante me të katër vajzat e tij,’ vazhdonte deklarata.
![](https://durreslajm.al/app/uploads/2024/08/IMG_5696-1.png)