Mbërritjet e emigrantëve në Itali kanë rënë ndjeshëm në krahasim me vitin 2023 duke shënuar një shifër prej 62% më pak krahasuar me një vit më parë.
Sipas të dhënave të fundit, 35 725 persona kanë mbërritur në Itali deri më tani që nga fillimi i vitit, krahasuar me 94 009 për të njëjtën periudhë referencë në 2023.
Për sa i përket kombësive, më të shumtët janë bangladeshasit (7 615), të ndjekur nga sirianët (5 725) dhe tunizianët (4 747).
Ajo që ka marrë vëmendje të veçantë ditët e fundit dhe që po studiohet është pikërisht rruga që ndiqet, e cila pas mbërritjes nga Bangladeshi në Egjipt, të çon në kalimet në Mesdhe drejt Italisë, veçanërisht pas krizës politike dhe trazirave në vendin aziatik, gjë që mund të çojë në një rritje të flukseve nga ai territor.
