Një shqiptar, i cili qëndroi ilegalisht në Mbretërinë e Bashkuar për të marrë trajtim dentar falas nga NHS, u kap si pjesë e një bande që ngriti një “fermë kanabisi” me vlerë prej 200,000 paund.

Xhafer Furriku dhe dy të tjerë janë dënuar gjithsej nëntë vjet burg pasi e kthyen një pishinë publike të pashfrytëzuar në një fabrikë masive droge.

Furriku kishte udhëtuar në MB me një vizë legjitime për të vizituar djemtë e tij të rritur në Huddersfield.

Por ai qëndroi pasi viza mbaroi për të përfituar shërbim dentar falas në NHS përpara se të udhëtonte në Forfar për të ndihmuar me kultivimin e kanabisit.

Furriku ishte pjesë e një bande që pushtoi pishinën e braktisur Forfar dhe e ktheu atë në një fermë kanabisi.

Avokati David Kinloch, duke e mbrojtur, i tha gjykatës: “ai erdhi në Mbretërinë e Bashkuar me aeroplan në aeroportin e Liverpool më 23 shtator 2022 për të vizituar fëmijët e tij. I ka skaduar viza, por ai nuk u kthye në shtëpi. Ai tha se kishte nevojë për një ndërhyrje dentare, e cila zgjaste në kohë”.

“Atij iu ofrua punësimi si piktor dhe dekorues në vendndodhjen e Forfarit në korrik 2023. Ai udhëtoi me autobus për në Forfar dhe takoi për herë të parë dy ish-të bashkakuzuarit.

Ai u informua se ishte atje për dekoruar dhe për të pikturuar dhe nuk u lejua të largohej. Ky nuk ishte një rast kur ai ishte trafikuar. Ai e tejkaloi afatin e vizës”, tha avokati.

Furriku, 65 vjeç, u burgos për tre vjet dhe u urdhërua të deportohej pasi pranoi se po kujdesej për prodhimin e kanabisit prej 187,500 £ në Pishinën Forfar më 8 gusht 2023.

Sherifi Tim Niven-Smith tha: “ju u deklaruat fajtor për prodhimin e një droge të kontrolluar, domethënë kanabisit, në pishinën e pashfrytëzuar në Forfar.

“Atje kishte një sistem elektrik kompleks të instalimeve elektrike, çelsave dhe transformatorëve… Kishte llamba ngrohjeje në tavan dhe ventilatorë të ngjitur në mure. Kishte një sistem ventilimi.

Kjo ishte një ndërmarrje tregtare në shkallë të gjerë. Keni hyrë legalisht në vend për të vizituar familjen. Është e paqartë saktësisht se si jeni përfshirë në këtë ndërmarrje tregtare.

Gjykatat në këtë vend nuk do të tolerojnë bandat kriminale nga kudo që mund të dalin. Parandalimi është një konsideratë e rëndësishme kur jepet dënimi”, tha ai.

Emigrantët e paligjshëm Hajri Musa dhe Gerald Daci tashmë janë dënuar me gjashtë vjet burg për rolin e tyre në skemën e rritjes së drogës.

Pishina e papërdorur, e cila i ishte dhuruar qytetit nga filantropisti Andrew Carnegie, kishte mbetur bosh që nga viti 2017 dhe ishte shitur nga Këshilli Angus tek një blerës misterioz për 50,000 £ vetëm disa muaj përpara se kultivimi të dilte në dritë.

Deputeti fiskal Gavin Letford i tha më parë Gjykatës së Sherifit të Dundee se të dy burrat ishin shtetas shqiptarë që kishin hyrë ilegalisht në Mbretërinë e Bashkuar.