Një shpërthim i virusit të Nilit Perëndimor është konfirmuar në Greqi, saktësisht në Thesproti, ku autoritetet parashikojnë evidentimin e rasteve të tjera në ditët në vijim. Sipas raportit epidemiologjik të EODY në javën e fundit janë shënuar dy vdekje në shtetin helen, ndërsa janë deklaruar 24 raste të reja.
Gjithashtu janë regjistruar edhe tre raste të importuara të infeksionit në pacientë të ekspozuar në Shqipëri. Mbikqyrja epidemiologjike e sëmundjes, zbatimi në kohë i programeve të duhura të integruara të kontrollit të mushkonjave dhe miratimi i masave mbrojtëse personale kundër mushkonjave janë masat më të përshtatshme për kontrollin e sëmundjes.
