Një 13-vjeçar në qytetin e Chelyabinsk sulmoi disa shokë të klasës dhe një mësues me një çekiç. Si pasojë e sulmit me çekiç kanë mbetur të plagosur dy vajza, një djalë dhe një mësues.
“Një student 13-vjeçar në Chelyabinsk u shkaktoi lëndime trupore bashkëmoshatarëve dhe mësuesit të tij me sende të ndryshme”, tha në një deklaratë Komiteti Hetues i Rusisë, i cili heton krimet e mëdha.
Zyrtarët e zbatimit të ligjit nisën një hetim penal për ngjarjen, duke e trajtuar atë si vrasje në tentativë dhe një rast pakujdesia. Guvernatori i rajonit Chelyabinsk, Alexei Teksler tha se të plagosurit janë shtruar në spital dhe po ofrohet i gjithë kujdesi i nevojshëm mjekësor Nxënësi i klasës së shtatë që dyshohet se kreu sulmin u plagos gjithashtu.
