Shërbimi për Çështjet e Brendshme dhe Ankesat ka pezulluar nga detyra dy efektivë policie në Vlorë.
Në njoftimin zyrtar të SHÇBA thuhet se është pezulluar Xh.Q., Shef Seksioni në Komisariatin e Himarës.
Gjithashtu është pezulluar inspektori K.S., me detyrë Specialist i Policisë së Zonës në njësinë Lukovë.
Procedimi ka filluar mbi bazën e kallëzimit të një shtetaseje për veprën penale të “Kryerjes së veprimeve arbitrare”. Një grua ka denoncuar inspektorin K.S., për dhunë për këtë e ka pësuar edhe nënkomisari.
Njoftimi i plotë:
Vlorë – SHÇBA, në kuadër të procedimit penal nr.1522/2020, në bashkëpunim me Prokurorinë pranë Gjykatës së Shkallës së Parë Vlorë ekzekutoi urdhërin e Gjykatës së Shkallës së Parë Vlorë, e cila ka caktuar masën e sigurimit personal “Pezullimi i ushtrimit të një detyre a shërbimi publik”, për punonjësit e Policisë:
• N/Komisar XH.Q., me detyrë Shefi Seksionit për Rendin dhe Sigurinë Publike në Komisariatin e Policisë Himarë;
• Inspektor K.S., me detyre SPZ në Njësinë Administrative Lukovë, Himarë.
Procedimi ka filluar mbi bazën e kallëzimit të një shtetaseje për veprën penale të “Kryerjes së veprimeve arbitrare”, pasi është ushtruar dhunë ndaj denoncueses, nga ana e Inpektorit K.S.
Ekzekutimi i urdhërit u pasqyrua me proces-verbalin përkatës dhe materialet u vunë në dispozicion të Prokurorisë së Rrethit Vlorë. Hetimet vijojnë për zbardhjen e plotë të rrethanave.
SHÇBA mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të shkeljes së ligjit, duke telefonuar në numrin e gjelbër 0800 90 90.
