Një vrasje ka ndodhur mbrëmjen e sotme në Shkodër.
Bëhet me dije nga njoftimi zyrtar i policisë se ka humbur jetën një i mitur, i moshës 15-vjeçare.
Ai është goditur nga një person tjetër me thikë për motive të dobëta.
Sipas policisë i mituri ka humbur jetën në spital ndërkohë që po punohet për zbardhjen e plotë të ngjarjes.
Informacion paraprak:
Rreth orës 19:30, në zonën e Fermentimit, në lagjen “Skenderbeg”, dyshohet se gjatë një konflikti për motive të dobëta, një shtetas ende i paidentifikuar ka dëmtuar me mjet prerës (thikë), një të mitur 15-vjeç, i cili si pasojë e plagëve të marra ka ndërruar jetë në Spitalin Rajonal Shkodër.
Shërbimet e Policisë kanë shkuar menjëherë në vendngjarje ku po punojnë për identifikimin dhe kapjen e autorit.
Ndërkohë, vijon puna e grupit hetimor, për sqarimin e plotë të rrethanave të ngjarjes.
