Mesfushori spanjoll Rodri thotë se do të ishte krenar në rast të një oferte të mundshme të Real Madrid në të ardhmen.
“Real Madridi është klubi më i mirë dhe nëse klubi më i suksesshëm në histori ju thërret, është një nder. Gjithmonë duhet t’i kushtosh vëmendje, është e qartë… ndihesh krenar”, shtoi fituesi i “Topit të Artë”.
Më pas Rodri theksoi se ndihet shumë mirë te City, por la të kuptohet se do t’i pëlqente të kthehej në Spanjë.
“Përfundimi i karrierës sime në Angli gjithashtu mund të jetë i mundur. Ndihem shumë mirë atje, e dua shumë futbollin anglez dhe Manchester City është klub fantastik… Ndihem i dashuruar atje. Gjithsesi Spanja është vendi im dhe sigurisht që vazhdoj të ndjek gjithçka rreth La Ligës”, ka thënë Rodri.
