Mbi 20 demokratë kanë dorëzuar dokumentacionin e nevojshëm për t’u bërë pjesë e primareve në Durrës.
Sipas një listeje jo zyrtare, që “DurrësLajm” disponon janë 23 anëtarë të Partisë Demokratike që pritet të bëhen pjesë e garës.
Jo domosdoshmërisht të gjithë emrat që po publikojmë më poshtë mund të jenë pjesë e garës, pasi do të jetë kryesia e PD-së që do të vendosë për listën përfundimare të kandidaturave.
Sipas burimeve zyrtare pranë PD-së, lista finale me emrat e demokratëve, që do të bëhen pjesë e garës së datës 1 mars pritet të publikohet ditën e nesërme.
Në listën paraprake, bie në sy se pritet të përfshihen në garë emra të njohur të PD-së lokale si kreu aktual Luan Hoti, nënkryetarët Astrit Xhaferri, Dritan Burgija, ish-deputetët Igli Cara dhe Fatbardha Kadiu, ish-kandidatja për deputete Manjola Luku, mjekja Edlira Shemsi, sekretarja për marrëdhënien me publikun Viola Kapidani, kreu i FRPD Durrës, Shyqyri Myrtollari etj.
Pjesë e primarëve të Durrësit pritet të jenë edhe emra të njohur të PD-së qendrore si sekretarja e marrëdhënieve me Publikun Jola Hysaj, zëdhënësja e PD, Floriana Garo, ish-drejtori i policisë së qarkut Durrës Emri Vata etj.
Më herët gjatë ditës, dy figura të njohura të PD Durrës, deputeti Ferdinand Xhaferaj dhe ish-kreu i FRPD Artion Barjamaj deklaruan mos përfshirjen në garën e primareve.
Lista me emrat e kandidatëve për primaret në Durrës e Shijak:
- Emri Vata
- Shyqyri Myrtollari
- Ilirjana Kucana
- Jola Hysaj
- Morena Boja
- Ermal Varaku
- Floriana Garo
- Skënder Dika
- Nasild Alikaj
- Bislim Ahmetaj
- Manjola Luku
- Silvia Gjepali
- Armand Dervishi
- Fatbardha Kadiu
- Astrit Xhaferri
- Sabah Jemishta
- Ndrec Pjetri
- Arian Dedej
- Viola Kapidani
- Luan Hoti
- Edlira Shemsi
- Igli Cara
- Dritan Burgija
M.B.
