Spanja jugore është përfshirë nga reshje të dendura shiu, duke sjellë edhe përmbytje të mëdha. Autoritetet kanë udhëruar evakuimin e banorëve, të mbyllin rrugët dhe të anulojnë procesin e mësimit ditën e sotme.

Sipas mediave spanjolle, autoritetet urdhëruan evakuimin e 365 familjeve nga fshati Campanillas, pranë Malaga, të hënën vonë në mbrëmje, pasi një lumë në zonë doli nga shtrati.

Banorët që u evakuuan kaluan natën në një qendër sportive komunale, e cila shërbente si strehë e përkohshme. Shefi i mbrojtjes civile të Andaluzisë, Antonio Santh, njoftoi se 19 lumenj në rajon ishin në alarm të kuq për shkak të përmbytjeve.