E vjetër, me njolla, gërvishtje dhe shenja përdorimi, por me një histori unike pas saj, çanta origjinale “Birkin” prej lëkure të zezë është shitur për 8.6 milionë euro (rreth 10 milionë dollarë amerikanë) në një ankand të organizuar nga shtëpia e njohur Sotheby’s, duke thyer çdo rekord dhe u shpall çanta më e shtrenjtë që është shitur ndonjëherë në ankand.
Çanta, e krijuar në vitin 1984 nga marka prestigjioze Hermès për aktoren dhe këngëtaren britanike Jane Birkin, u shit për një ofertë përfundimtare prej 7 milionë eurosh, ndërsa me tarifat shtesë shuma totale arriti në 8.6 milionë euro. Çanta ishte pjesë e një ankandi online për modën luksoze, ku u përfshinë edhe krijime të dizajnerëve si Alexander McQueen dhe Christian Dior.
