Një ngjarje e rëndë është raportuar pak minuta më parë në lagjen nr. 14 në qytetin e Korçës, ku dyshohet se ka ndodhur një vrasje.
Sipas informacioneve paraprake, viktima i identifikuar si Johan Zuko, është qëlluar me një armë kallashnikov. Autori i dyshuar është larguar nga vendi i ngjarjes dhe aktualisht ndodhet në arrati.
Në vendngjarje kanë mbërritur shërbimet e Policisë, të cilat kanë nisur veprimet për zbardhjen e rrethanave dhe identifikimin e autorit të dyshuar.
Informacionet janë ende paraprake, ndërsa priten të dhëna të tjera zyrtare nga Policia e Korçës.
