Ariana Grande i ka dhënë fund spekulimeve që flisnin për një tërheqje të mundshme nga muzika, duke konfirmuar përmes një postimi në Instagram se kënga mbetet pasioni dhe shpëtimi i saj më i madh.
Ylli i popit dhe aktores, e cila së fundmi është nominuar për Çmimin Oscar për rolin kryesor në filmin muzikor “Wicked”, reagoi ndaj thashethemeve të përhapura që sugjeronin se ajo do të largohej nga industria muzikore për t’iu përkushtuar karrierës në aktrim.
“Është kaq budallallëk nga ana juaj të supozoni se, për shkak se kam shumë gjëra, kam ndërmend të heq dorë nga kënga dhe muzika…!!! Është dhe gjithmonë ka qenë shpëtimi im. Do të duhet të ketë hapësirë për të gjitha këto,” shkroi ajo në mbishkrimin e një videoje ku shfaqej duke performuar.
Grande shtoi se, ndonëse mënyra e të bërit muzikë mund të mos jetë më si më parë, ajo po e shijon procesin dhe po gjen një ekuilibër mes projekteve të ndryshme.
“Po argëtohem. Ndihem mirënjohëse, e emocionuar dhe e frymëzuar. Po punoj për një plan për të kënduar për të gjithë ju vitin e ardhshëm, edhe nëse është vetëm për pak kohë,” shtoi ajo, duke përmbyllur postimin me fjalët: “Ju dua.”
