Viti 2024 ka shënuar rritje të numrit të vaksinave MMR të aplikura tek fëmijët 1 dhe 5 vjeç, që mbrojnë nga fruthi, shytat dhe rubeola.
Sipas të dhënave zyrtare të OBSH, 84% e fëmijëve morën dozën e parë, dhe 76% dozën e dytë.
Ekspertët vënë në dukje se 2 milionë fëmijë më shumë u vaksinuan në vitin që lamë pas por mbulimi mbetet larg nivelit 95% të nevojshëm për të parandaluar shpërthimet e fruthit.
Ata bëjnë me dije se mbi 30 milionë fëmijë mbeten të pambrojtur ndaj fruthit, ndërsa 60 vende raportuan shpërthime të mëdha fruthi.
Raporti thekson se 14.3 milionë fëmijë nuk kanë marrë asnjë vaksinë, duke i vënë ato në rrezik, sipas specialistëve të shëndetësisë botërore, shumica e këtyrë fëmijëve janë në vende të prekura nga krizat humanitare.
