Kilië Mbape ka bërë zgjedhjen e tij dhe Real Madridi po buzëqesh. Ndërsa pret kampin stërvitor të planifikuar për 4 gusht, sulmuesi francez po shijon disa ditë pushimesh me mikun e tij Ashraf Hakimi. Ish-ylli i PSG-së, tashmë numri 10 për ekipin kombëtar francez, do të trashëgojë të njëjtin numër te Real Madridi, të lënë bosh nga Luka Modriç. Vetë Mbape e konfirmoi lajmin në një postim të shkurtër, por elokuent në platformën “X” , të postuar 2 ditë më parë: vetëm një 10.
Megjithatë, kjo zgjedhje ka ndezur një debat midis atyre që kundërshtojnë se ai nuk është një numër “i vërtetë” 10 dhe do të kishin preferuar talentin e ri Arda Gyler, dhe atyre që, në vend të kësaj, besojnë se Mbape mund të përballojë çdo gjë, siç bëri Kristiano Ronaldo, i cili kaloi nga 9 në 7. Sipas Marca-s, ishte vetë klubi që shtyu për këtë zgjedhje, i vetëdijshëm për vlerën simbolike dhe komerciale të gjestit. Real Madrid dëshiron ta bëjë Mbapen liderin e ri të projektit dhe, në të njëjtën kohë, synon një rekord të ri shitjesh për fanellën “KM10”.
