Lëvizjet në dalje te Milani janë jetike për të realizuar një nga goditjet kryesore të merkatos, afrimin e mbrojtësit të djathtë Guela Due nga Strasburgu.Futbollisti i lindur në vitin 2002 është kthyer në prioritet absolut për klubin, aq sa pista për Pubil, tashmë lojtar i Atletiko Madridit, u la plotësisht mënjanë. Megjithatë, negociatat me Strasburgun nuk janë të lehta.Klubi francez vazhdon të kërkojë 30 milionë euro për kartonin e lojtarit, ndërsa Milani është gati të bëjë një përpjekje të fundit, ndoshta duke e çuar ofertën përtej 23 milionëve. Një sakrificë që mund të rezultojë vendimtare për të blinduar njërin prej sektorëve më të rëndësishëm të ekipit në prag të sezonit të ri.