Ndërmjetësuesit nga Egjipti dhe Katari po punojnë për një draft të ri marrëveshjeje që parashikon lirimin e të gjithë pengjeve – të vdekur dhe të gjallë – në këmbim të përfundimit të luftës në Rripin e Gazës dhe një tërheqjeje të plotë të forcave izraelite nga zona.

Drafti i ri u njoftuan nga dy zyrtarë arabë që folën për Associated Press në kushte anonimiteti , duke përmendur ndjeshmërinë e negociatave.

Njëri nga zyrtarët është i përfshirë drejtpërdrejt në konsultime, ndërsa tjetri është në dijeni të progresit të bisedimeve.

Sipas tyre, përpjekjet mbështeten nga monarkitë kryesore arabe të Gjirit, të cilat janë thellësisht të shqetësuara për mundësinë e destabilizimit të përgjithshëm në rajon, nëse qeveria izraelite vazhdon me një riokupim të plotë të Gazës, gati dy dekada pas tërheqjes së saj në vitin 2005.

Ngrirja e armëve të Hamasit dhe tërheqja nga pushteti në tryezë
Korniza në zhvillim e sipër synon gjithashtu të zgjidhë çështjen më të vështirë: çfarë do të ndodhë me armët e Hamasit. Izraeli kërkon çarmatim të plotë të organizatës.

Zyrtari i përfshirë drejtpërdrejt në negociata tha se po shqyrtohet mundësia e një ” ngrirjeje të armëve”, domethënë mbajtja e armëve nga Hamasi me kusht që ato të mos përdoren. Në të njëjtën kohë, organizata pritet të tërhiqet nga pushteti në Gaza.

Administrimi i Rripit të Gazës, si dhe mbikëqyrja e rindërtimit, pritet të merren përsipër nga një komitet palestinezo-arabo-arab, derisa të formohet një administratë e re palestineze me një forcë policore të trajnuar nga dy aleatë të SHBA-së në Lindjen e Mesme. Është e paqartë se cili do të jetë roli i Autoritetit Palestinez, i cili mbështetet nga Perëndimi.

Arabia Saudite dënon planin izraelit për Gazën

Arabia Saudite dënoi sot planin e Izraelit për të marrë kontrollin e Qytetit të Gazës dhe akuzoi Izraelin për shkaktimin e ” urisë ” dhe “spastrimit etnik ” në territoret palestineze.

Riadi “dënon në termat më të ashpra vendimin e autoriteteve pushtuese izraelite për të pushtuar Rripin e Gazës” dhe “dënon në mënyrë të prerë krimet e vazhdueshme të urisë, praktikat brutale dhe spastrimit etnik kundër popullit vëllazëror palestinez”, tha Ministria e Jashtme Saudite në një postim në X.