Pas arratisjes nga spitali i Durrësit, ku ndodhej për kontrolle mjekësore, Drejtoria e Burgjeve ka dalë më deklaratë për ngjarjen. Altin Ndoci ishte shoqëruar për vizita mjekësore, por duket se u ka shpëtuar efektivëve dhe është arratisur’
Deklarata e plotë:
Paraburgosuri Altin Ndoci është larguar nga ambientet e Spitalit Rajonal të Durrësit, ku ishte shoqëruar për kryerjen e vizitave mjekësore. Të gjitha procedurat mjekësore janë zhvilluar në repartin e infektivit, i cili ka repartin e sigurisë për të dënuarit.
Pavarësisht ndërhyrrjes së menjëhershme nga forcat e Policisë së Burgjeve për ndalimin e tij, Altin Ndoci ka arritur të largohet nga spitali. Strukturat përkatëse janë vënë menjëherë në lëvizje dhe po punohet intensivisht për lokalizimin dhe kapjen e tij, si dhe për sqarimin e plotë të rrethanave të ngjarjes.
