Real Madridi mund të shkojë në gjyq për koncertet e mbajtura në stadiumin “Santiago Bernabeu”, pasi gjyqtarja që po merret me çështjen, Monica Aguirre de la Cuesta, e Gjykatës së Udhëzimit Numër 53 në Madrid, ka lëshuar një padi pas një viti e gjysmë hetimi. Padia, e datës 15 janar, tregon për një krim të mundshëm mjedisor, konkretisht ndotje akustike, të kryer nga Real Madridi, ose më saktë ‘Real Madrid Estadio’, dega e klubit përgjegjëse për organizimin e këtyre lloj ngjarjesh.
Sipas një raporti të publikuar këtë të enjte nga ‘El Confidencial’, klubi tani ka tre ditë për të paraqitur një ankesë ndërkohë, prokurori publik dhe prokuroria private kanë 10 ditë për të paraqitur argumentet e tyre me shkrim që detajojnë akuzat dhe dënimet specifike që i atribuojnë klubit. Real Madridi i pezulloi koncertet në shtator 2024, një muaj e gjysmë pasi ankesa u pranua dhe pas pothuajse pesë muajsh ngjarjesh të ndryshme muzikore në Bernabeu.
