Kryetari i Partisë Demokratike, Sali Berisha, ka uruar besimtarët katolikë me rastin e festës së Pashkës.
Në mesazhin e tij, ai përcolli urime për paqe, shëndet dhe gëzim për të gjithë ata që festojnë.
Krahas urimit, Berisha dha edhe një mesazh politik, duke shprehur dëshirën që vitin e ardhshëm Pashkët të kremtohen në një situatë më të mirë për vendin.
Ai u shpreh se shpreson që Shqipëria të jetë pa problemet që, sipas tij, e kanë shoqëruar këto vite, në mënyrë që festa të vijë me më shumë qetësi dhe mirëqenie për qytetarët.
