Një objekt i rrallë historik, i lidhur drejtpërdrejt me tragjedinë e mbytja e Titanikut, pritet të dalë në ankand dhe të tërheqë interes të madh nga koleksionistët në mbarë botën.
Bëhet fjalë për një jelek shpëtimi që i përkiste një prej të mbijetuarve të anijes legjendare. Ky relik unik, i ruajtur për më shumë se një shekull, pritet të shitet për një shumë që mund të arrijë deri në rreth 500 mijë dollarë.
Sipas raportimeve, jeleku është një nga objektet më autentike që lidhen me natën tragjike të prillit 1912, kur anija më e famshme në histori u fundos në Oqeanin Atlantik, duke marrë me vete mbi 1,500 jetë njerëzish.
Interesi për objekte të tilla mbetet i lartë, pasi çdo artefakt që lidhet me Titanikun konsiderohet pjesë e një historie që vazhdon të fascinojë edhe sot, më shumë se një shekull pas katastrofës.
Ky ankand pritet të jetë një nga më të rëndësishmit për koleksionet historike detare, ndërsa ekspertët theksojnë se vlera e jelekut nuk është vetëm monetare, por mbi të gjitha simbolike – një dëshmi e drejtpërdrejtë e një prej ngjarjeve më tragjike në historinë njerëzore.
