Skenat intime në filma dhe seriale shpesh konsiderohen ndër më ikoniket, por sipas ekspertëve ato krijojnë pritshmëri që nuk përputhen me realitetin e marrëdhënieve në jetën e përditshme.
Në produksionet filmike, këto skena janë të inskenuara, të përsëritura dhe të ndërtuara për kamera, duke mos pasqyruar natyrshëm intimitetin mes dy personave. Vitet e fundit, në industrinë e filmit është futur edhe roli i koordinatorëve të intimitetit, të cilët sigurojnë më shumë komunikim, pëlqim dhe respekt mes aktorëve gjatë xhirimeve.
Ekspertët thonë se disa nga këto parime mund të vlejnë edhe në jetën reale.
Ata këshillojnë që marrëdhëniet të mos bazohen në “momente perfekte” të frymëzuara nga filmat, por në ndjesi reale dhe lidhje të sinqertë mes partnerëve.
Një tjetër element i rëndësishëm është komunikimi. Ashtu si në xhirime ku aktorët diskutojnë kufijtë dhe pëlqimin, edhe në jetën reale një bisedë e hapur ndihmon në krijimin e besimit dhe sigurisë.
Po ashtu, theksohet rëndësia e respektimit të kufijve dhe faktit që pëlqimi mund të ndryshojë në çdo moment, gjë që kërkon mirëkuptim dhe vëmendje nga të dyja palët.
Sipas specialistëve, intimiteti nuk lidhet me skena dramatike si në film, por me gjeste të thjeshta, komunikim dhe afërsi emocionale që ndërtohen me kohën.
Në fund, ekspertët kujtojnë se ajo që shfaqet në ekran është e inskenuar, ndërsa marrëdhëniet reale bazohen në sinqeritet, respekt dhe ndjenjë të vërtetë.
