Ata shprehen se gjatë programit ndaj saj përdoret gjuhë fyese dhe sjellje që, sipas tyre, cenojnë dinjitetin e saj si grua dhe nënë.
Po ashtu, familjarët thonë se disa komente nga konkurrentët kanë kaluar kufijtë e etikës dhe janë shpërndarë gjerësisht edhe në rrjete sociale.
Në reagim, ata shprehin pakënaqësi edhe për mënyrën si produksioni po menaxhon situatën, duke pretenduar se nuk janë marrë masa për të ndalur sjelljet problematike.
Gjithashtu, ata ngrejnë shqetësimin se gjatë transmetimeve live poetja nuk po trajtohet njësoj si konkurrentët e tjerë dhe shpesh nuk ka hapësirë të mjaftueshme për të folur.
Në fund, familjarët kërkojnë që të ndalet gjuha fyese dhe të sigurohet një trajtim më i drejtë dhe më dinjitoz brenda formatit televiziv.
