Shkarkimi i gjyqtarit të Durrësit/ Cili është Petraq Curri që liroi “baronin e drogës”

12/01/2018 - 14:17

Ministrja e Drejtësisë, Etilda Gjonaj, i kërkoi sot KLD-së shkarkimin e gjyqtarit të Durrësit Petraq Curri, pasi gjatë hetimit disiplinor ka rezultuar se ai ka kryer shkelje të rënda profesionale që diskreditojnë rëndë pozitën dhe figurën e gjyqtarit në dhënien e vendimit për mosmiratimin e arrestit të shtetasit Alket Hatija dhe lirimin e tij.

Por cili është Petraq Curri, gjyqtari që liroi “baronin e drogës”

DurrësLajm” shkruan se Petraq Curri, gjyqtari pranë gjykatës së Durrësit që në muajin korrik 2017 vendosi të lirojë nga qelia të kërkuarit e drejtësisë Italiane Alket Hatia, më 2 tetor 2017 vendosi të dorëhiqet nga çështja e shqyrtimit në themel të kësaj dosjeje. Curri paraqiti kërkesën e tij të dorëheqjes pranë kryegjyqtares së Durrësit, ku ai refuzoi të gjykojë dosjen e ekstradimit të Alket Hatias, të dënuar në Itali me 20 vite burg për trafik heroine.

Seanca e para ishte parashikuar që të zhvillohej më 5 tetor 2017, por gjyqtari i çështjes u tërhoq. Si argument për t'u tërhequr nga kjo çështje, Petraq Curri, përdori një inspektim që Inspektorati i Këshillit të Lartë të Drejtësisë ka nisur, ndaj vendimit të lirimit të Hatisë, vendim i cili është marrë nga vetë gjyqtari Petraq Curri. Në kërkesën e tij të dorëheqjes, Curri shtonte se nuk kërkonte që kjo çështje të paragjykohet, dhe për pasojë, vendosi të dorëhiqet.

Inspektorati i Këshillit të Lartë të Drejtësisë ka nisur hetim disiplinor ndaj gjyqtarit Petraq Çurri, pas vendimit të tij të diskutueshëm të 11 korrikut për lirimin nga “masa e arrestit” të Alket Hatisë. 

Alket Hatija, 44 vjeç, i etiketuar nga mediat italiane si “Zot i drogës” u arrestua më 8 korrik me urdhër të Prokurorisë së rrethit Durrës pasi emri i tij u shfaq në sistemin e personave të shpallur në kërkim ndërkombëtar nga Interpol Roma.

Hatija, i cili ka vuajtur një dënim në Shqipëri në vitet 2008-2014 për “trafik narkotikësh”, pretendonte se e kishte shlyer dënimin për të njëjtat fakte penale që është gjykuar së fundmi edhe në Itali.

Që nga 11 korriku 2017, dita kur Hatia rifitoi lirinë, ai nuk ka mundur të arrestohet më nga policia, megjithëse gjykata e Apelit Durrës, ka caktuar masën e “arrestit në burg” për të

/portali DurresLajm/

Na bëni like në facebook!: 

Lajme nga e njëjta kategori

Në ditën e 11-të të protestës, banorët e Astirit, banesat e të cilëve preken nga shembja për shkak të projektit të Unazës së Re.

OSBE ka mirëpritur vendimin e gjykatës për Emiljano Shullazin dhe bandën e tij.

Zëvendësministri Sandër Lleshaj zhvillon takim me strukturat e policisë së Durrësit pasditen e sotme.

Plot 18 masa disiplinore janë rekomanduar për drejtues dhe punonjës të spitalit të Vlorës, pas një inspektimi të kryer nga Task Forcë Ant

Në një postim në Facebook, edhe Ambasadori i Britanisë në vendin tonë, Duncan Norman ka përshëndetur vendimin e Krimeve të Rënda për dëni

Tregtarët e makinave të përdorura protestuan sot kundra projekt-vendimin të qeverisë që do të kufizojë importin e mjeteve të përdorura që

Bashkia e Durrësit ka organizuar ceremoninë solemne me rastin e 14 Nëntorit, ditës së çlirimit të Durrësit nga pushtuesit nazifashistë në

Në një ceremoni të zhvilluar në Tiranë, u finalizua sot negocimi për Marrëveshjen e Mirëmbajtjes midis TAP-it dhe shoqërisë së përbashkët

Pas ambasadës amerikane në Tiranë, edhe ajo gjermane ka përshëndetur vendimin e Krimeve të Rënda për dënimin e grupit të Shullazit me 55

Autoriteti Kombëtar i Ushqimit ka ushtruar kontroll në tregun e hapur (Markatë), Bashkia Elbasan ku ka konstatuar disa subjekte që tregto