Bashkimi Evropian ka reaguar me shqetësim ndaj situatës së krijuar në Turqi, pas arrestimit të kryebashkiakut të Stambollit. Gjatë një konference për shtyp në Bruksel, presidentja e Komisionit Evropian, Ursula von der Leyen, e cilësoi këtë veprim si “thellësisht shqetësues”.
“Si një anëtare e Këshillit të Evropës dhe një kandidate për anëtarësim në BE, Turqia duhet të mbështesë vlerat demokratike, veçanërisht të drejtat e zyrtarëve të zgjedhur. Ne duam që Turqia të mbetet e përkushtuar ndaj Evropës, por kjo kërkon një angazhim të qartë ndaj rregullave dhe praktikave demokratike,” tha Von der Leyen.
Ajo theksoi se respektimi i parimeve themelore të demokracisë është thelbësor për marrëdhëniet mes BE-së dhe Turqisë. Arrestimi i kryebashkiakut të Stambollit ka shkaktuar reagime të forta, si brenda vendit ashtu edhe në arenën ndërkombëtare.
