Prokurori amerikan: Postimet e Trump-it ma bëjnë të pamundur punën

14/02/2020 - 10:49

Prokurori i përgjithshëm i Shteteve të Bashkuara, William Barr, tha se presidenti Donald Trump, e nënvlerëson atë me postimet e tij në Twitter, duke ia bërë “të pamundur të kryejë punën”.

Komentet vijnë në kohën kur Departamenti amerikan i Drejtësisë po përballet me kritika të ashpra për trajtimin e një rasti që përfshin Roger Stonte – ish-këshilltarin e dënuar të presidentit.

Prokurori i përgjithshëm është akuzuar për përkulje ndaj presionit presidencial. Komentet e Barrit tani janë një shenjë e rrallë e përplasjes me presidentin.

"Mendoj se është koha të ndalojë të postojë në Twitter për rastet penale të Departamentit të Drejtësisë. Unë nuk mund ta kryej punën time këtu në departament me komente të vazhdueshme që më nënvlerësojnë”, tha Barr për ABC News. Udhëheqësi i shumicës republikane në Senatin amerikan, Mitch McConnell, tha se presidenti duhet t’i dëgjojë këshillat e prokurorit Barr.

Në SHBA ka pasur zemërim këtë javë kur Departamenti i Drejtësisë ka thënë se planifikon të zvogëlojë kohën e dënimit me burg që do ta kërkojë për Stone – mik i presidentit.

Stone është shpallur fajtor në muajin nëntor për pengimin e hetimeve që ka kryer Dhoma e Përfaqësuesve rreth ndërhyrjes së Rusisë në zgjedhjet në SHBA, më 2016.

Prokurorët federalë kanë rekomanduar që Stone të përballet me shtatë deri në nëntë vjet burgim.

Trump ka shprehur menjëherë kundërshtimin e tij në Twitter, duke thënë se “kjo është një situatë e tmerrshme dhe shumë e padrejtë”. Departamenti i Drejtësisë më pas e ka hedhur poshtë rekomandimin nga prokurorët, duke nxitur dyshime nëse Barr ka ndërhyrë në mbështetje të Stone. Për rrjedhojë, katër prokurorë janë larguar nga puna.

/portali DurresLajm/

Na bëni like në facebook!: 

Lajme nga e njëjta kategori

Presidenti amerikan, Donald Trump, tha të hënën se aplikacioni për shpërndarjen e videove në pronësi të TikTok do të “dalë jashtë përdori

Një gjykatë në Frosinone, Itali vendosi se gjobat e vendosura gjatë karantinës janë të paligjshme.

Numri i rasteve të konfirmuara me koronavirus në botë ka arritur në mbi 18 milionë, teksa disa shtete përballen me rritje të numrit të të

Ka shenuar rritje numri i viktimave ditore në Itali nga koronavirusi, krahasuar me një ditë më parë.

Të paktën 40 pasagjerë kanë rezultuar me koronavirus në një anije në Norvegji, ndërsa më shumë se 100 pasagjerë janë vendosur në karantin

"Zgjidhjet që kemi në dispozicion tani mund të na ndihmojnë ta mundim shtypim dhe ta kontrollojmë koronavirusin".

Shumë kryetarë bashkish janë tepër të zemëruar me qeverinë italiane.

Pelegrinët myslimanë në Arabinë Saudite kanë përfunduar Haxhin më 2 gusht, që këtë vit është zhvilluar me një numër shumë të kufizuar per

Mbyllja rishtas e ekonomisë do të ishte më e dëmshme, se vala e parë e virusit.

Në SHBA, zyrtarët ushtarakë thanë se kanë përfunduar misionin e kërkim-shpëtimit për shtatë marinsa dhe një marinar që rezultojnë të zhdu