Në fillim ka ardhur dorëheqja e papritur e trajnerit Ange Postecoglou, pasi ka kualifikuar Australinë në Kupën e Botës. Më pas ka ardhur rrëmuja e radhës e krijuar nga Marcelo Bielsa, i cili është pezulluar nga drejtuesit e Lille pasi është larguar nga qyteti pa lejen e klubit.
Mësuesi, sipas kompanisë së basteve, mund të marrë vendin e nxënësit: Bielsa është një nga ata që kanë frymëzuar punën e ish-trajnerit australian.
Në orët e fundit ka filluar të përmendet emri i “Loco”-s si trajneri i ardhshëm i Australisë, një hipotezë e mbështetur edhe nga kompanitë ndërkombëtare të basteve: kuota për Bielsa-n mbetet e lartë (16.00), por ka pësuar një rënie nga mëngjesi i së shtunës kur ishte 27.00.
Në të njëjtën kuotë me Bielsa-n është edhe emri i Gianni de Biasi-t, i cili sapo është shkarkuar nga Alaves. Për momentin, në pritje të zhvillimeve të reja, emri favorit për kompanitë e basteve, me 2.50, mbetet Graham Arnold, trajneri i Sydney, kryesuese e A-League pas tetë javësh kampionat.
