Operacioni i koduar "Lulet e Pranverës" i Antimafias italiane i ekzekutuar në bashkëpunim me policinë shqiptare ka çuar sot në shaktërrimin e 4 grupeve trafikatësh italo-shqiptare.
Janë ekzekutuar 20 urdhër-arreste ndërsa 7 janë në kërkim si dhe është sekuestruar një sasi e madhe droge marijuanë, kokainë, heroinë por dhe armë e municione.
Gjatë dy viteve hetim janë ekzekutuar 26 operacione sekuestrimi të rreth 8 tonë e gjysmë marijuanë e 10 kg kokainë e heroinë si dhe mjaft armë e municione.
Gjatë 26 sekuestrimeve janë arrestuar në flagrancë 36 persona e janë vënë nën hetim të lirë 90 persona të tjerë. Hetimet e Policisë investigative kundër krimit të organizuar të Leçes kanë mundur të zbardhin pikat e zbarkimit të drogës në bregdetin e Puglias.
Droga prodhohej, magazinohej e konfeksionohej në Shqipëri e më pas trafikohej me skafe të fuqishme drejt Italisë duke u shpërndarë më pas në vendet e tjera të Europës, kryesisht në Gjermani e Zvicër.
Baza operative e katër grupeve kriminale ishte në Salento të Italisë e hetimet e antimafias italiane zbardhën fuqinë e veprimit të organizatave kriminale shqiptare në territorin kombëtar e lokal italian.
Hetimet kanë zbardhur se mjaft grupe të mafias italiane në Sicili e në qytetet të tjera italiane, bashkëpunonin me disa nga shqiptarët e arrestuar për t'u furnizuar me drogë.
Policia finaciare italiane ka zbardhur një fluks të madh parash mes Shqipërisë e Saleetos për llogari të këtyre grupeve kriminale duke konfiskuar dhe një sasi të madhe kartmonedhash.
4 grupet kriminale italo-shqiptare kishin shtrirë aktivitetin e tyre kriminal në rajonet italiane të Calabria, Toscana, Emilia Romagna, Sicilia, Liguria, Lombardia.
Të arrestuarit në Shqipëri:
- Denis Pashaj 33 vjeç
- Kristjan Llanaj alias Nuredinaj 36 vjeç
- Luka alias Kriols Beqiraj 32 vjeç
- Arbnor Xhimaj alias Hoxhaj 34 vjeç
- Bilal Kabello 34 vjeç
- Kujtim Elmazi 58 vjeç
Të arrestuarit në Itali:
- Dorian Alikaj 34 vjeç
- Altin Avduramani 46 vjeç
- Ajet Çepaj 50 vjeç
- Klaudio Fani 34 vjeç
- Artur Malo 35 vjeç
- Raul Zenunaj 40 vjeç
- Giancarlo Desimone
- Gianfranco Conestabile
- Salvadore Santoro
- Francesco Tarantini
- Giuseppe Vanatagiato
