Kryetari i bashkisë së Shijakut Elton Arbana në një postim në Facebook i bën thirje të gjithë shijakasve të votojnë për Partinë Socialiste dhe për Edi Ramën duke treguar dhe arsyet se pse duhet bërë një zgjedhje e tillë.
Postimi i plotë:
E diela e 25 prillit është dita kur qytetarët do vendosin për të ardhmen e tyre.
Është momenti të gjykojmë me mendje të kthjellët. Kryeministri Edi Rama ka transformuar rrënjësisht Shijakun.
Mbi të gjitha, është dora që na ringriti pas tërmetit duke thënë: Ti nuk do jesh kurrë vetëm!
Edi Rama tregoi realisht se ne nuk ishim vetëm, duke u kthyer në mbështetjen më të madhe për shijakasit.
Edi Rama është modeli i liderit që fle vonë e zgjohet herët, që bën të pamundurën për t’i shërbyer me dinjitet çdo familje shqiptare.
Kryeministri ynë ka karakterin e një lideri vizionar dhe siç ka treguar, jam i bindur që së bashku me skuadrën e tij do të mbajë çdo premtim të dhënë për Shijakun dhe Shqipërinë.
Partia Socialiste me në krye Edi Ramën meriton mirënjohjen e gjithë shijakasve.
Votoni numrin 12, Partinë Socialiste!
Votoni për të ardhmen tuaj dhe të fëmijëve!
