Një aksident i rëndë ka ndodhur në Mississuaga të Kanadasë mbrëmjen e së enjtes ku dy të rinj shqiptar humbën jetën.
Përplasja fatale mes tre automjeteve ndodhi rreth orës 21:50 në cepin e Eglinton Avenue E. dhe Dixie Road.
Dy shqiptarët që udhëtonin me Sedanin e bardhë ndërruan jetë. Njëri ndërroi jetë në vendngjarje, ndërsa tjetri përfundoi në spital në gjendje të rëndë, por nuk mundi t’i mbijetonte plagëve të marra.
Në kohën e aksidentit kryqëzimi u mbyll për të lejuar oficerët të hetojnë përplasjen.
Një faqe Facebook-u e komunitetit shqiptar në Mississuaga publikoi foton e dy të rinjve, ku zbuloi identitetin e tyre dhe vendin ku jetonin në Shqipëri. Ata janë Klisi dhe Simon Dreshaj dhe janë nga Rapsha e Hotit.
