4 qershor 2014 – Në zonën e Fushë Krujës kanë mbetur pa energji elektrike rreth 400 banorë pasi është vjedhur një transformator prej 6000 volt, në vendin e quajtur Ura e Gjolës.    Mësohet se grabitësit kanë hyrë në kabinë duke çmontuar dhe shkatërruar transformatorin. Këtij të fundit i janë shkëputur pjesët prej bakri dhe metale të tjera për skrap.    Sipas banorëve, kjo nuk është hera e parë që kryhen akte të tilla, ndërkohë që deri më sot askush nuk është ndaluar nga policia.    “CEZ shpërndarje” në Krujë lajmëron se ky është rasti i katërt i vjedhjeve të kabinave elektrike në këtë zonë.