Shkodra dhe futbolli shqiptar humbën një figurë të rrallë: në moshën 80-vjeçare është ndarë nga jeta Paulin Ndoja, ish-portieri i Vllaznisë dhe Kombëtares Shqiptare, një emër që la gjurmë të pashlyeshme në historinë e këtij sporti.
Shkodra dhe futbolli shqiptar humbën një figurë të rrallë: në moshën 80-vjeçare është ndarë nga jeta Paulin Ndoja, ish-portieri i Vllaznisë dhe Kombëtares Shqiptare, një emër që la gjurmë të pashlyeshme në historinë e këtij sporti.
Në vitin 1973 u përjashtua përfundimisht nga futbolli. “Biografia më ndiqte kudo”, kujtonte ai. Madje, për të vazhduar sportin, iu kërkua të gjente një komunist në fis apo të kishte lidhje familjare me ndonjë të tillë – një absurditet i kohës.
Edhe pse i thirrur disa herë në Kombëtare, Ndoja luajti vetëm një ndeshje zyrtare, atë kundër Kinës, ku Shqipëria fitoi 2-1. “Isha i grumbulluar shpesh, por s’më lejonin të luaja jashtë vendit”, thoshte ai me ironi të hidhur.
Pas viteve ’80, Ndoja u rikthye si trajner portierësh, profesion të cilin e ushtroi deri para pak vitesh. Ai do të kujtohet jo vetëm për talentin dhe sukseset, por edhe për karakterin e palëkundur përballë padrejtësive të kohës.
