Një laborator për kultivimin e marijuanës është zbuluar në Lazarat, ku janë sekuestruar edhe pajisjet për prodhimin e lëndës narkotike. Burime nga Policia e Shtetit në Gjirokastër bëjnë me dije së janë sekuestruar rreth 350 bimë narkotike Cannabis sativa dhe është vënë në pranga një person, që rezulton të jetë pronari i magazinës. Në pranga është vënë shtetasi M. Mamo, 56 vjeç, lindur në Lazarat. Nga këqyrja e provave materiale, Policia e Shtetit ka konstatuar se bimët varionin me lartësi nga 25 cm deri në 40 cm. Ato u asgjësuan në vend me anë të djegies.