Lacio ka pësuar një humbje turpëruese mbrëmjen e djeshme, në transfertën daneze, duke u mposhtur me rezultatin 5-1 ndaj Miditlandit, e vlefshme për ndeshjen e dytë të fazës së grupeve në Europa Ligë.
Golin e vetëm të takimit për skuadrën kryeqytetase e shënoi Sergej Milinkoviç-Saviç në minutën e 57′. Me këtë disfatë të rëndë, bardhekaltërit arrijnë një rekord negativ në Europë.Sipas faqes së specializuar, “OPTA Paolo”, skuadra kryeqytetase ka pësuar 5 gola në një ndeshje të kompeticioni europian për herë të katërt në historinë e saj.
Nuk ndodhte prej 22 vitesh nga hera e fundit, ekzaktësisht më 5 prill 2000, kur Lacio humbiste ndaj Valencias në transfertë me rezultatin 5-2 në Champions.
Hera e parë ishte ndaj Lensit më 2 nëntor 1977 me rezultatin 6-0 në Kupën UEFA.Ndërsa hera e dytë ishte ndaj spanjollëve të Tenerifes, më 29 tetor 1996 me rezultatin 5-3 në Kupën UEFA.
