Albin Kurti: Jetoj me qira në një banese 61 m2

03/01/2020 - 08:24

Kandidati për kryeministër i Kosovës, Albin Kurti jeton në një banesë 61 metër katror dhe mbi të gjitha me qira.

Duke rrëfyer për emisionin “360 gradë” në RTV Ora, Kurti thotë se nuk kërkon të pasurohet, por njëkohësisht thotë se nuk ankohet nga ana materiale, pasi siç thotë ai ka vetëmjaftueshmëri.

Kryetari i Lëvizjes Vetëvendosja, ka folur edhe për familjen e tij. Ai ka një grua nga Norvegjia, për të cilën thotë se e kupton shumë mirë gjuhën shqipe, por nuk mund ta flasë. Kurti ka edhe një vajzë, e cila ka dy nënshtetësi, kosovare dhe norvegjeze.

Pjese nga intervista:

Artur Zheji: Çfarë gjuhe flisni me gruan tuaj?

Albin Kurti: Flas herë shqip dhe herë anglisht, por më shumë anglisht se shqip.

Artur Zheji: Pse ka ankesa që zonja ka kaq vite që është me ju dhe nuk flet shqip?

Albin Kurti: Ajo e kupton gjuhën shqipe, tekstin e kupton plotësisht…

Artur Zheji: Por nuk ka guximin të flasë…

Albin Kurti: I ka rënë në një moshë shumë madhore të mësojë gjuhën shqipe. Sa më shumë që biseda zhvillohet në gjuhën standarde aq më shumë kupton dhe aq më saktë përgjigjet. Ka qenë në një kurs në Tiranë para disa viteve. Mësuesen e gjuhës shqipe e ka nga Tirana atje. Atje pati ndjekur një kurs për të mësuar gjuhën shqipe.

Artur Zheji: I ka letrat e Kosovës?

Albin Kurti: Jo nuk i ka letrat e Kosovës, ka vetëm nënshtetësinë e Norvegjisë, sepse nuk ka mundësi për dy shtetësi. Dy shtetësi ka vajza ime e cila ka lindur në spitalin e Prishtinës dhe ka edhe nënshtetësi të Kosovës, edhe të Norvegjisë.

Albin Kurti: Banesa ime i ka 61 m2.

Artur Zheji: Keni porositur një vilë të re për 2-3 vitet e ardhshme?

Albin Kurti: Jo, nuk kam porositur.

Artur Zheji: Nëse pas 2-3 vitesh kryeministër mund t’ju lindë dhe një fëmijë tjetër, do të ketë nevojë për hapësira banimi, ndonjë pishinë…se në Shqipëri kështu ndodh, do ta ndjeni veten sikur keni ngjyer gishtin e korrupsionit apo do thoni që është normale….gruaja juaj është e pasur?

Albin Kurti: Gruaja ime nuk është e pasur.

Artur Zheji: Pra nuk mund ta blejë ajo vilën?

Albin Kurti: Jo, nuk mund ta blejë ajo. Unë jam në këtë banesën 61 m2. Më e rëndësishme sesa banesa ku banoj është fakti që e kam me qira. Nuk është pronë e imja.

Artur Zheji: Nuk është pronë e juaja?

Artur Zheji: Nuk është pronë e juaja?

Albin Kurti: Jo!

Artur Zheji: E tmerrshme, një grua shqiptare në Shqipëri do t’ju mallkonte që nuk keni blerë as 60 m2. Shyqyr që e keni norvegjeze.

Albin Kurti: Mos i fajësoni gratë se burrat i kanë fajet. Burrat kanë qejf ti fajësojnë gratë për fajet që kanë ata. Një burrë nuk e dëgjon gruan për shumë gjera dhe po e dëgjon për këtë. Është një lloj shovinizmi mashkullor i njerëzve që kanë vendosur të korruptohen dhe mandej leja fajin gruas. Nuk është ashtu fare.

Artur Zheji: Me 60 m2 nuk jetohet. Gjithë ky burrë shteti mos kesh 3 kate vilë.

Albin Kurti: Burrave shqiptarë nuk ua kanë mësuar gratë e tyre shampanjën. Njerëzit duan që të pasurohen, sepse ka një propagandë kundër meje që unë i dua të gjithë të varfër. Jo mo, le të pasurohen, por me ligj, me nder dhe punë.

Artur Zheji: Zoti Albin, pse duhet ta besoj unë që ju doni të pasuroni të gjithë të tjerët dhe vetë nuk doni të pasuroheni

Albin Kurti: Unë nuk dua ta pasurohemi, por në të njëjtën kohë nuk po ankohem për gjendjen time materiale. Kam një lloj vetëmjaftueshmërie në kushtet e mia. Tani më janë bërë shumë libra, dorë në zemër do ta kisha marrë një banesë tjetër me qira me një dhomë më shumë, ama jo ta blej.

/portali DurresLajm/

Na bëni like në facebook!: 

Lajme nga e njëjta kategori

“Peku fisio center”, një ndër klinikat më moderne të hapur në pranverë të këtij viti, nën drejtimin e fizioterapistit du

Puna e efektivëve të Policisë Bashkiake në Durrës, në dobi të qytetarëve dhe jetës publike në shumë sektorë jetikë, është me rëndësi të m

Të tjera detaje janë zbuluar në lidhje me ngjarjen tronditëse të pak javëve më parë në qytetin e Kavajës, ku një konflikt i armatosur për

*Intervistë me Drejtorin ekzekutiv të Autoritetit Portual Durrës, Agron Tare

 Ajo është ventrilokuistja e parë në Shqipëri.

Gazetari Peter Tiede, i cili tronditi politikën shqiptare, me publikimin e 6 përgjimeve të reja nga dosja 339/1 ka dhënë një intervistë p

Kreu i Bindjes Demokratike, Astrit Patozi në një intervistë për Dosja.al ka folur për arsyet e krijimit të partisë së re, krizën politike