Në Ganë ka ndodhur diçka e çuditshme. Në sfidën midis Inter Alies dhe Ash Gold e përfunduar me shifrat 7-0 për këta të fundit, detaje tronditëse faktojnë se ky takim ishte i trukuar dhe do të përfundonte me rezultatin 5-1.
Ishte një takim me dhurim golash dhe për këtë ka folur dhe mbrojtësi i Inter Alies, Hashmin Musah i cili e pranoi se kjo ndeshje ishte e trukuar dhe se ai shënoi dy autogola:
“Kam dëgjuar në hotel para sfidës që ky takim do të përfundojë me rezultatin e saktë 5-1. Vendosa ta prish këtë plan për hir të futbollit dhe të shënoj edhe dy gola. Unë nuk i toleroj bastet në këtë mënyrë. Pas takimit, kam marrë përgëzime nga kolegët e mi dhe trajneri. Më herët, i premtova trajnerit se nëse ai do të më linte të dilja nga pankina, unë do ta thyeja bastin dhe kështu e bëra”.
