DURRËS, 8 nëntor 2014 – Këngëtarja britanike Jessie J ka konfirmuar ardhjen e saj në Tiranë për festat e nëntorit.
Lajmin e ka bërë të ditur vetë këngëtarja në llogarinë e saj në Facebook. Këngëtarja 26-vjeçare shkruan se ajo do të vijë për të festuar 70 vjetorin e çlirimit të Shqipërisë duke performuar, live në një super koncert pa bileta, në Tiranë më 29 Nëntor. Jessie J njihet për vokalin e saj të jashtëzakonshëm dhe këngë të cilat janë shndërruar në hite në mbarë botën. Ajo ka me mijëra adhurues në Shqipëri. Ky lajm ende nuk është konfirmuar nga autoritetet shqiptare.
