Atentati ndaj Inez Hajrullës, 3 në pranga, shkon në 7 numri i të arrestuarve

05/12/2019 - 10:33

Ka shkuar në 7 numri i të arrestuarve për atentatin e ndodhur më 10 maj 2019 në zonën Lungomares, në Vlorë ndaj Inez Hajrullës. Në pranga ka rënë Xheladi Merko i cili u ndalua në qytetin bregdetar të Vlorës dhe I. M., 31 vjeç dhe G. D. (Z.), 42 vjeç të cilët janë vënë në pranga në Itali.

Njoftimi i plotë:

Vijon operacioni policor i koduar "Gjurmimi". Operacioni në Vlorë dhe në Itali. Shkon në 7 numri i personave të arrestuar.  Gjatë vijimit të operacionit janë kapur dhe arrestuar 3 presona. Dy prej tyre janë kapur në Itali dhe një është kapur në Vlorë. Në vijim të punës intensive për zbardhjen e ngjarjeve kriminale kundër personit, të ndodhura më parë, Seksioni për Hetimin e Krimeve ndaj Personit në DVP Vlorë, në bashkëpunim me Departamentin e Policisë Kriminale Tiranë dhe nën drejtimin e Prokurorisë së Rrethit Vlorë ka bërë dokumentimin e plotë të ngjarjes së ndodhur në maj të vitit 2019, në lagjen "Ujë i Ftohtë", ku persona të paidentifikuar qëlluan me armë zjarri në drejtim të tre shtetasve në një lokal dhe si pasojë mbeti i plagosur aksidentalisht 63-vjeçari D. C.

Në këtë kuadër gjatë orëve të fundit ka vijuar operacioni policor i koduar "Gjurmimi", në Vlorë dhe në Itali.

Në Vlorë, nga Seksioni për Hetimin e Krimeve ndaj Personit në DVP Vlorë është bërë e mundur kapja dhe ndalimi i shtetasit Xh. M., 36 vjeç, lindur e banues në Vlorë, për veprat penale “Moskallëzim krimi” dhe "Përkrahja e autorit të krimit" .

Operacioni ka vijuar në Itali, ku si rezultat i shkëmbimit të informacioneve mes Interpol Tirana dhe Interpol Roma, bashkëpunimit të shkëlqyer mes Zyrave Ndërlidhëse të Policisë shqiptare në Bari e Romë në Itali dhe të Policisë italiane në Tiranë, me angazhimin e Skuadra Mobile në Romë është bërë e mundur kapja e dy personave të shpallur në kërkim ndërkombëtar, në afërsi të Romës, me qëllim ekstradimi drejt vendit tonë dhe konkretisht:

I. M., 31 vjeç dhe G. D. (Z.), 42 vjeç, të dy banues në Vlorë;

Gjithashtu është bërë shpallja në kërkim e shtetasit F. H. dhe vijon puna për kapjen e tij.

Ndaj shtetasve I. M., G. D. dhe F. H., Gjykata e Shkallës së Parë Vlorë ka caktuar masën e sigurisë “Arrest në burg” për veprat penale "Vrasja në rrethana cilësuese" e mbetur në tentativë, e kryer në bashkëpunim dhe "Armëmbajtja pa leje”.

Në lidhje me këtë ngjarje, më datë 14.11.2019 janë arrestuar edhe 4 shtetas, ndërsa 1 tjetër është proceduar në gjendje të lirë.

Materialet iu referuan Prokurorisë, në ngarkim të shtetasve I. M dhe G. D, për veprat penale "Vrasja në rrethana cilësuese", e mbetur në tentativë, e kryer në bashkëpunim, "Armëmbajtja pa Leje” dhe në ngarkim të shtetasit Xh. M, për veprat penale  “Moskallëzim krimi” dhe "Përkrahja e autorit të krimit" .

/portali DurresLajm/

Na bëni like në facebook!: 

Lajme nga e njëjta kategori

Vladimir Gjuta është lënë në burg nga Gjykata e Tiranës për dhunë dhe plagosjen e kushëririt të tij.  Ky i fundit me shenja të dukshme ng

Dy të rinj janë arrestuar ditën e sotme, pasi u janë gjetur kartëmonedha të falsifikuara.

Tre të rinj raportohet se kanë mbetur të plagosur si pasojë e një aksidenti të ndodhur në hyrje të qytetit të Librazhdit.

Policia ka arrestuar një 22-vjeçar në Sarandë, të cilit frocat blu i kanë gjetur të fshehura 20 doza lëndë narkotike e dyshuar e llojit "

Goditet një tjetër rast i dhënies ndihmë për kalim të paligjshëm të kufijve, kundrejt fitimit. 

Policia Metropolitane në Londër njofton së një 22 vjeçar suedez është ndaluar si i dyshuar për vrasjen e 36-vjeçarit shqiptar Flamur Beqi

Policia italiane ka arrestuar autorin e akisdentit që i shkaktoi vdekjen shqiptarit Franko Gjinaj.

 Gjykata e Lezhës ka lënë në burg 60- vjeçarin me iniciale V.N., i cili dyshohet se ka ngacmuar seksualisht dhe ka kryer edhe marrëdhënie

Një zënkë në një familje shqiptare në Lenzburg mbrëmjen e të hënës ka alarmuar policinë, ndërkohë që burri 38-vjeçar është hedhur nga bal

Një 29-vjeçar është ndaluar nga policia e Tiranës, pasi ka xhiruar gomat e makinës së tij në rrugën “Llazi Miho”, pranë komisariatit nr.6