Dyshohet se përdhunoi të miturën, 60-vjeçari e merrte në makinë çdo ditë pas shkolle

22/01/2020 - 11:19

 Gjykata e Lezhës ka lënë në burg 60- vjeçarin me iniciale V.N., i cili dyshohet se ka ngacmuar seksualisht dhe ka kryer edhe marrëdhënie me një vajzë të mitur me aftësi të kufizuara.

Në seancën gjyqësore të zhvilluar me dyer të mbyllura ditën e djeshme, mësohet se i moshuari i ka mohuar akuzat e ngritura ndaj tij.

Por, edhe pse nuk është faktuar ende nëse është abuzuar seksualisht me 14-vjeçaren, në bazë të provave të paraqitura nga prokurori Erjon Shehaj, Gjykata e vlerësoi të ligjshëm arrestimin e tij dhe vendosi masën e sigurisë “Arrest në burg” pa afat.

Sipas të dhënave kanë qenë nxënësit e shkollës që kanë vërejtur fillimisht se vajza nuk hipte në furgonin e shkollës, por në një makinë. Ndërsa mësuesit kishin konstatuar disa mungesa në mësim dhe sjellje të çuditshme të vajzës.

Kësisoj, personeli i shkollës ka vendosur të njoftojë Policinë dhe e mitura është ndjekur nga oficerë, që konstatuan se i moshuari e mori në makinë. Ata e ndoqën dhe e arrestuan të premten e javës së kaluar në flagrancë në gjendje të dehur. Ndaj 60-vjeçarit janë ngritur akuzat “Marrëdhënie seksuale me persona të pazotë për t’u mbrojtur”, “Vepra të turpshme” dhe “Drejtimi i mjetit në gjendje të dehur”.

Abuzimet me vajza që kanë probleme të shëndetit mendor janë ngjarje të përsëritura në Lezhë. Pak kohë më parë, tri motra kanë rënë pre e abuzimeve seksuale, madje kanë sjellë në jetë dhe fëmijë.

ABUZIMI

Në lidhje me rastin, Policia kishte marrë informacion më parë në rrugë operative dhe prej disa ditësh 60- vjeçari po vëzhgohej nga specialistët për Hetimin e Krimit në Komisariatin e Policisë Lezhë.

Në momentin e ndalimit, ai është kapur sapo ishte takuar me të miturën me aftësi të kufizuara. Policia e Lezhës njoftoi pak ditë më parë se materialet procedurale i kaloi pranë Prokurorisë së Krujës për veprën penale “Marrëdhënie seksuale me persona të pazotë për t’u mbrojtur”, “Vepra të turpshme” dhe “Drejtimi i mjetit në gjendje të dehur”.

Denoncimi i këtij rasti është bërë edhe nga vetë bashkëshortja e 60-vjeçarit të akuzuar në këtë rast. Ajo dyshohet se ka vënë re lëvizje të dyshimta të bashkëshortit të saj ndaj vajzës që është vetëm 14 vjeçe, çka ka sjellë më pas edhe denoncimin në Polici.

Ndërkohë, vajza e mitur mësohet se shkonte në shkollë çdo ditë. Veprimet abuzuese të të arrestuarit, sipas informacioneve, kanë qenë të dukshme në fshatin ku ata banonin, gjatë momenteve kur e mitura shkonte për në shkollë.

/Panorama

/portali DurresLajm/

Na bëni like në facebook!: 

Lajme nga e njëjta kategori

Policia e Tiranës ka arrestuar dy të rinj, pasi kanë kundërshtuar dhe fyer punonjësit policor.

Policia e Tiranës arrestoi një shtetas, i cili kishte shkelur urdhrin e mbrojtjes për dhunë fizike ndaj bashkëshortes dhe fëmijëve.

Në lidhje me aksidentin e ndodhur mbrëmjen e djeshme, në aksin rrugor Korçë-Gramsh, në fshatin Çekrez, në përfundim të veprimeve te para

Policia e Shtetit ka publikuar fotot dhe emrat e tre personave të tjerë të kërkuar për vrasje, të cilët janë objekt i punës së Njësisë së

Policia e Tiranës ka arrestuar në flagrancë dy të rinj të cilët vodhën me dhunë 1 shtetas të huaj.

Shkatërruan stolat e stadiumit “Air Albania” dhe hodhën sende të forta në fushë gjatë dy ndjeshje të futbollit më datë 21 e 22 shkurt, vi

Në lokal me pistoletë me vete, arrestohet në flagrancë një i ri në Durrës.

Policia rrugore ka vijuar kontrollet gjatë natës së kaluar në disa pika në kryeqytet.

Një aksident me vdekje ka ndodhur mbrëmjen e sotme në fshatin Çekrez të Gramshit ku dy persona kanë vdekur dhe tetë të tjerë janë plagosu

Një 37- vjeçar shqiptar është qëlluar me plumb në kokë në rrugën Kerasuntos të lagjes Egaleo në Athinë të Greqisë.