"Marvi Mihali"/ E ëma: Drejtësi me çdo kusht. Babai i të pandehurit: Kërkuan para

19/03/2019 - 11:46

Seanca gjyqësore ndaj 4 të pandehurve për vrasjen e të riut Marvi Mihali është zhvilluar mes diskutimesh. Sot pritej të lexoheshin konkluzionet e mbrojtjes, por për shkak të diskutimeve mes familjarëve të viktimës dhe autorëve, gjykata vendosi të shtyj seancën.

Sipas familjarëve të Marvi Mihalit, gjatë kësaj kohe ata kanë pritur një ndjesë nga ana familjarëve të autorëve, por nuk e kanë marrë një gjë të tillë.  Ndërsa një prind i një prej të pandehurve ka pretenduar se Mira dhe Pavllo Mihali kanë kërkuar dëmshpërblim monetar për vrasjen e të birit.

“Fyeva në sallën e gjyqit sepse i ktheva kusurin. Ata kërkuan dëmshpërblim, ata duan lekët. Nuk kam dashur t’i kthehem ballë përballë për t’i respektuar dhimbjen, po ai është sjellë si fëmijë”, tha ai.

Jahtë ambienteve të gjykatës, e ëma e Mihalit, akuzoi drejtorin e policisë gjyqësore se ka intimiduar dëshmitarët, ndërsa shtoi se do të vendosin drejtësinë me çdo kusht.

"Nuk do ndaloj asnjë minutë, deri në fund. Deri më sot kemi thënë që do presim drejtësinë. Sot e tutje po them: Drejtësinë do ta vendos me çdo kusht deri sa të kem frymë. Nuk do rri më duke recituar Migjenin “si nuk kam një grusht të fuqishëm”. Boll i kam duruar baballarët e kriminelave, duke më prekur, duke më hedhur vështrime. Nuk kanë lënë gjë pa bërë dhe tani vazhdon ngrihet atje dhe gënjen edhe shpif. Unë nuk e di ky gjyq vendoset për të bërë drejtësi për Marvin Mihalin apo për t’i lehtësuar. Edhe prokurori tha, Eugeni të dënohet 18 vjet se ka lehtësi që është dorëzuar. S’është dorëzuar, e nxorri ai Artan Lulaj. E nxorri ai, ishte brenda. Siç ikën ata dy të tjerët që po bëjnë pushime nëpër ishujt e Greqisë. Kurse djali im po tretet në dhe. Unë do ta ndjek deri në një këtë çështje, por jam shumë e prekur nga shpifje të tilla. Ja therrshin djalin me thika atje në burg. Ja derdhshin gjaku atje dhe ta shikojë. Do bëjnë dot pazare. Ka çmim për gjakun e fëmijëve të tyre? A ka çmim? E provofshin në kurrizin e vet dhimbjen e madhe që po provoj unë çdo ditë që po kalon".

/portali DurresLajm/

Na bëni like në facebook!: 

Lajme nga e njëjta kategori

Dy shtetas të huaj të ndodhur me pushime në Sarandë janë aksidentuar rëndë ndërsa drejtonin motora.

Policia e Durrësit ka dhënë detaje rreth ngjarjes së publikuar mesditën e sotme në “

Polica ka parandaluar një ngjarje me pasoja të rënda për jetën në Fier.

Vidhnin rroba në dyqane dhe qendra tregtare në Tiranë, vihen në pranga nga shërbimet e Komisariat të Policisë Nr 2, autorët e vjedhjeve s

Bie në prangat e Policisë së Dibrës 48-vjeçari i shpallur në kërkim pasi kanosi me armë zjarri babë e bir.

Një aksident i rëndë është regjistruar mesditën e sotme në Tropojë, si pasojë e të cilit ka humbur jetën një 9-vjeçar, e janë plagosur 5

Shoferi kishte lënë derën e urbanit hapur për shkak të vapës, rrëzohet në rrugë faturino.

Persona ende të paidentifikuar kanë vjedhur një banesë. Ngjarja ka ndodhur gjatë natës në fshatin Turan të Tepelenës.

Një 31-vjeçar është arrestuar nga policia kufitare, pasi dyshohet se udhëtonte me mjet identiteti grek të falsifikuara.