Një konflikt për çështje pronësie ka ndodhur mes dy familjeve në Golem të Kavajës.
Burimet zyrtare bëjnë me dije se kanë prangosur një 41-vjeçar pasi goditi me sëpatë komshiun e tij 65 vjeç, i cili ndodhet jashtë rrezikut për jetën.
Policia ka sekuestruar armën e krimit (sëpatë) dhe një armë zjarri kallashnikov.
JOFTIMI I POLICISË
Vihet në pranga 41-vjeçari, pasi goditi me sëpatë komshiun e tij 65-vjeçar, i cili ndodhet jashtë rrezikut për jetën.
Sekuestrohet arma e krimit (sëpatë) dhe një armë zjarri kallashnikov.
Shërbimet e Policisë Kavajë, pas njoftimit të marrë së në fshatin Kryemëdhenj, Golem, kishte një konflikt të ashpër për motive pronësie, mes dy familjeve dhe se njëri prej personave kishte goditur me sëpatë komshiun e vet, kanë shkuar menjëherë në vendngjarje.
Falë reagimit në kohë u bë i mundur parandalimi i përshkallëzimit të mëtejshëm të konfliktit mes dy familjeve. Shërbimet e Policisë kapën dhe arrestuan në flagrancë shtetasin S. M., 41 vjeç, në Golem, Kavajë, i cili sapo ka parë Policinë ka tentuar të largohet, por është kapur dhe arrestuar nga shërbimet e Policisë.
Shtetasi S. M., gjatë konfliktit të ashpër me komshiun e tij, shtetasin T. A., 65 vjeç, e ka goditur këtë të fundit, me sëpatë, në trup, jashtë rrezikut për jetën.
Gjatë kontrollit të banesës së shtetasit S. M., shërbimet e Policisë kanë gjetur dhe sekuestruar edhe një armë zjarri kallashnikov dhe një krehër me fishekë.
Materialet do t’i kalojnë prokurorisë, për veprime të mëtejshme.
