Arkeologët shqiptaro-francezë gërmime te Rotonda në Durrës (VIDEO)

29/05/2019 - 15:58

Në Forumin Bizantin të njohur si Rotonda që i përket sipas specialistëve të arkeologjisë shekujve të V-të dhe të VI-të pas Krishtit, kanë filluar gërmime arkeologjike për sondazh nga një ekip i përbashkët arkeologësh shqiptaro–francezë, që po kryen studime mbi topografinë e Durrësit në  lashtësi.

Gërmimet kanë nisur gjatë kësaj jave. Në këtë vend, nga gërmimet arkeologjike të një viti më parë  kanë dalë në dritë objekte që i përkasin një civilizimi më të vjetër se ai bizantin. Sipas specialistëve janë kanë konstatuar dhe janë zbuluar fragmente muresh që i përkasin shtresëzimit të periudhës romane.

Muret janë thuajse në një nivel me objektin e termave romane të zbuluara poshtë ndërtesës së teatrit “Aleksander Moisiu” të Durrësit. Më 6 qershor të vitit të kaluar në të njëjtin vend kanë dalë në dritë edhe objekte si një vazo varri funerar e cila u thye gjatë gërmimit. Ndërkohë kanë dalë në dritë mure të plota banese dhe kanalizimet e stilit roman.

Arkeologët janë shprehur se poshtë civilizimit bizantin e roman, mund të gjenden edhe gjurmë të kulturës helenistike si dhe asaj ilire. Punimet do të vijojnë për këtë sezon deri në mesin e muajit qershor dhe rezultatet do të bëhen publike në një  konferencë për shtyp.

Ekipi i përbashkët shqiptaro-francez kryesohet nga arkeologu Edi Shehi. Paralel me këtë sondazh po punohet edhe në afërsi të shkollës “Jusuf Puka”.

Ekipi francez ka disa vite që kryen gërmime në qytetin historik të Durrësit. Në gërmimet e kryera në oborrin e Mauzoleumit te Dëshmoreve ata kanë zbuluar se zona është e pasur në objekte arkeologjike që i përkasin qytetërimeve iliro-greko romane. Aty  janë gjetur terma të periudhës romane, mozaikë si dhe fragmente qeramike të pikturuar.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Violinistët Florian dhe Daniel Vlashi, babë e bir, kanë qenë përkrah njeri-tjetrit në të njejtin pult gjatë koncertit të fundit të Orkest

Ditën e sotme është ndarë çmimi më i madh i fushës së letërsisë, ai "Nobel", ku fitues janë shpallur një austriak dhe një polake.

Në teatrin “Aleksandër Moisiu” të Durrësit gjatë këtij muaji janë programuar disa shfaqje teatrale nga trupa dramatike e qytetit.

Këngëtari i njohur Zija Saraçi, një zë mjaft i dashur për shumë breza durrsakësh ka marrë një vendim drastik.

Amfiteatri antik i Durrësit mikpriti fundjavën e kaluar një ansambël artistik nga Suedia.

Të martën dhe të mërkurën, në teatrin “Aleksandër Moisiu” në Durrës vjen për publikun tragjedia “Salome”.

Dashamirës të letërsisë të pasionuar pas lojërave të fatit kudo në botë, gëzohuni!!

Pasditen e kësaj të shtune, një atmosferë ndryshe ju pret në Amfiteatrin e Durrësit.

Në galerinë e arteve “Nikolet Vasia” artdashësit durrsakë po ndjekin këto ditë ekspozitën e piktores Emjona Stasi.

Pasditen e sotme, në orën 19:00 do të vihet në skenën e teatrit "Aleksandër Moisiu" në Durrës monodrama "Lopata e Artë" me autor Ferdinan