Arti në zi/ Ndahet nga jeta bilbili i këngës popullore!

13/11/2020 - 20:44

Është ndarë sot nga jeta në moshën 85 vjeçare bilbili i këngës popullore, Sali Brari. Ai ishte pjesë e Ansamblit të Këngëve dhe Valleve Popullore, këngëtar me vokal të veçantë, artist me aftësi të rralla.

Teatri Kombëtar i Operës, Baletit dhe Ansamblit Popullor bëri publik lajmin e trishtë.

Brari shndriti në çdo shesh e në çdo skenë të vendit.

Njoftimi i TOB:

Lamtumirë – Bilbilit të këngës popullore Sali Brari.

Shtegtoi edhe një bilbil….

Teatri Kombëtar i Operës, Baletit dhe Ansamblit Popullor, me hidhërim të thellë mësoi ndarjen nga jeta të artistit të Ansamblit të Këngëve dhe Valleve Popullore, këngëtari me vokalin e veçantë, artisti me aftësi të rralla, Sali Brari.

Sali Brari u lind në Tiranë më 18 maj të vitit 1935. Që në shkollën fillore u shpërfaq talenti i tij me zërin e ëmbël e të ngrohtë, duke u aktivizuar në aktivitetet muzikore të asaj periudhe. Në vitin 1956, Sali Brari u emërua këngëtar pranë Estradës së Shtetit. Me krijimin e Ansamblit të Këngëve dhe Valleve Popullore në vitin 1957, ai iu bashkua kësaj trupe, derisa sa doli në pension.  Gjatë kësaj periudhe, ai kreu edhe Liceun Artistik pranë degës e kantos.

Në repertorin e Sali Brarit gjejmë një larmi këngësh popullore, këngë të përpunuara, këngë popullore të krijuara nga kompozitorët tanë, deri tek interpretimi prej tij në operetën “Vjeshtë e artë” e kompozitorit Tish Daija si dhe opera “Skënderbeu”.

Sali Brari shndriti në çdo shesh e në çdo skenë të vendit. Po aq i suksesshëm ishte edhe në turnetë e Ansamblit të Këngëve dhe Valleve  Popullore në Europë, Azi e Afrikë, duke i mahnitur të huajt me fuqinë interpretative dhe zërin aq të veçantë e melodioz. Për aktivitetin dhe kontributin e tij në fushën e interpretimit të muzikës popullore, Kuvendi Popullor e ka vlerësuar me Urdhërin “Naim Frashëri” të Klasit të I-rë.

Në emër të drejtuesve dhe artistëve, TKOBAP i shpreh ngushëllimet më të ndjera familjes, bashkëpunëtorëve dhe miqve të shumtë të artistit Sali Brari.

I përjetshëm do të mbetet kujtimi i tij!

/portali DurresLajm/

Na bëni like në facebook!: 

Lajme nga e njëjta kategori

Për të tetin vit me radhë, nesër në Durrës do të zhvillohet festivali i kitares klasike, "Guitar Festival Vll".

Sektori i artit në Qendrën Kulturore të Fëmijëve Durrës ka organizuar me rastin e festave të 28-29 Nëntorit, konkursin e poezisë dhe pikt

Aktori i njohur i kinematografisë shqiptare, Reshat Arbana e ka cilësuar një humbje të madhe për artin, ndarjen nga jeta të regjisorit Mu

Me afrimin e Festivalit të Këngës në RTSH, fillohet dalëngadalë të ndihet edhe atmosfera e Eurovizionit.

Edicioni i 23-të i Panairit këtë vit u zhvillua online por edhe përmes aktiviteteve në terren organizuar nga shtëpitë botuese.

Një tjetër artist i njohur nuk ka mundur të fitojë betejën me Covid-19.

Sektori i Veprimtarive Masive në Qendrën Kulturore të Fëmijëve Durrës organizon Festivalin e VI-të të Këngëve Korale, me rastin e 14 nënt