Durrës, trio instrumentale “Ad Libitum” në Festivalin e 14-të të Muzikës së Dhomës

10/07/2019 - 10:37

Festivali Ndërkombëtar i Muzikës së Dhomës “Durrës 2019” ka prezantuar në mbrëmjen e tretë të tij Trion “Ad Libitum” nga Maqedonia e Veriut.

Pas interpretimeve të “Minguet Quartet” nga Gjermania dhe “Piano Kuartet” nga Universiteti i Arteve Tiranë në dy mbrëmjet e para të këtij edicioni, instrumentistët nga vendi fqinj sollën në mjediset e Muzeut arkeologjik të qytetit bregdetar vepra nga autorë vendas dhe të huaj.

Silvana Chuleva Atanasova në flaut dhe Lazar Sokolov në klarinetë e saksofon alt nën shoqërimin e pianistes Emilja Kabranova Filipova, në pjesën e parë të programit kishin zgjedhur pjesë nga autorët Artan Hasani (1981 - ), Kokan Dimushevski (1958- ) nga Maqedonia e veriut dhe Anze Rozman (1989 - ) nga Sllovenia.

Në veprën “Labyrinth” të autorit kosovar Artan Hasani ndjeheshin ritmet e folklorit shqiptar, çka i dha Trios instrumentale duatrtrokitje të merituara.

Megjithëse një ansambël me vetëm katër vite përvojë artistët nga Maqedonia luajtën me sukses edhe pjesët “Tango Preparense” nga Astor Piazzolla (1921 – 1992), “Jeux d’eau” nga Maurice Ravel  (1875 – 1937) dhe Trion nr.1 për flaut, piano dhe saksofon alt nga Russel Peterson.

Në edicionin e 14-të të Festivalit të muzikës së dhomës që organizohet në Durrës nga violinistja Nevila Kalaja do të interpretojnë në katër koncerte të tjerë edhe instrumentistë nga Spanja, Italia, Austria dhe Shqipëria.

G.K.

/portali DurresLajm/

Na bëni like në facebook!: 

Lajme nga e njëjta kategori

17-vjeçarja Hajrie Dedej, ka prezantuar gjatë këtyre ditëve, ekspozitën e saj të parë.

Mbrëmjen e kësaj të premteje në Durrës do të organizohet një koncert me muzikë tradicionale Bretone.

Ismail Kadare, shkrimtari i mirënjohur shqiptar ka fituar çmimin "Pak Kyongni" për vitin 2019.

Nga Gëzim Kabashi

Liliana Çika është rikthyer këto ditë në Durrës me një ekspozitë të pazakontë.

Aktori Hysen Bashhysa feston sot 72-vjetorin e lindjes. Ceni, siç e thërrasin thuajse të gjithë lindi më 16 shtator 1947 në Durrës.

Atmosferë festive të jashtëzakonshme ka krijuar në amfiteatrin e Durrësit aktiviteti muzikor Karaoke i organizuar nga Bashkia e qytetit d

Më 12 shtator 2019, në Muzeun Arkeologjik të Durrësit u hap ekspozita “Art 2019” e piktores, skulptores dhe restaurueses së njohur Lilian

Mbrëmjen e kaluar në prani të mjaft artdashësve të kinemasë, në arenën e Amfiteatrit antik të Durrësit u shfaq filmi italian “Un paese qu

Drejtoria Rajonale e Kulturës Kombëtare Durrës njofton se mbrëmjen e sotme, 11 shtator 2019, është nata e fundit e projektit të përbashkë