Një 57-vjeçar është arrestuar nga policia e Kurbinit, pasi ka shkatërruar dy shtylla elektrike.
Mësohet se shtetasi Sandër Nezha ka vjedhur elemenët lidhës të dy shtyllave të cilat bënin shpërndarjen e energjisë në disa zona të Laçit dhe Lezhës, ku si pasojë janë rrëzuar shtyllat dhe është ndërprerë furnizimi me energji elektrike në këto zona.
Njoftimi i policisë:
Specialistët për Hetimin e Krimeve në Komisariatin e Policisë Kurbin bënë ndalimin e shtetasit S. N., 57 vjeç, banues në Laç, Kurbin.
Ky shtetas dyshohet se ka shkatërruar dy shtylla elektrike që bëjnë shpërndarjen e energjisë elektrike në disa zona në Laç dhe Lezhë, duke i vjedhur elementet lidhëse (si pllakat e bullonat), ku si pasojë janë rrëzuar shtyllat elektrike dhe ndërprerë furnizimi me energji elektrike në këto zona.
Materialet hetimore u referuan në Prokurorinë e Rrethit Gjyqësor Kurbin, për veprime të mëtejshme, për veprën penale “Shkatërrimi i rrjetit elektrik”.
