Ditë me shifra marramendëse në Barcelonë.
Pasi presidenti i Barçës, Joan Laporta, ka siguruar se klubi ka refuzuar një ofertë prej 200 milionësh (nga PSG) për Lamine Jamal, Mundo Deportivo siguron këtë të diel Robert Levandovski është tunduar për të dytën herë radhazi nga oferta saudite.
Këtë herë, polaku do të kishte marrë një ofertë që arrin 100 milionë euro në sezon.
Megjithatë, ai tashmë e ka refuzuar atë, siç bëri në vitin 2023, kur arabët i afruan pak a shumë të njëjtën shifër. “Jo, faleminderit”, – ishte përgjigja e tij.
Levandovski, i cili sapo ka përfunduar një nga ndeshjet e tij më të mira për Barçën në Metropolitano (një gol dhe dy asistime) dhe golat e të cilit këtë sezon kanë nënkuptuar tashmë më shumë pikë për Blaugranët sesa në atë të mëparshëm, tani është i fokusuar në ndeshjen e së martës në Kardif kundër Uellsit (20:45), i cili do të vendosë nëse ai do të jetë me Poloninë në atë që mund të jetë turneu i tij i fundit i madh kombëtar.
Levandovski ka edhe një sezon kontratë me Barçën, me të cilën mund të rinovojë gjithashtu deri në vitin 2026 nëse luan 55% të ndeshjeve (45 minuta ose më shumë) vitin e ardhshëm.
Por kjo do të jetë një problem për kursin e ardhshëm.
Tani për tani, Levandovski dëshiron të vulosë kualifikimin e tij në Euro2024, të provojë ‘mrekullinë’ e të fitojë një titull me Barçën në pjesën e mbetur të vitit dhe, më në fund, të vazhdojë si lojtar i Barçës.
