TIRANË, 5 nëntor 2013  –  Një aksident i rëndë ka ndodhur gjatë orëve të mbrëmjes së të hënës në kryeqytet. Një motor është përplasur nga një makinë pranë shkollës ‘Kushtrimi i Lirisë’, për pasojë ka mbetur i plagosur rëndë drejtuesi i motorit. Drejtuesi i motorit, Ersion Gjini, 23 vjeç është dërguar me urgjencë për në spital, ku ndodhet në gjendje të rëndë. Ndërkohë efektivët e Komisariatit Nr.1 të Tiranës mbërritën menjëherë në vendngjarje dhe ndaluan drejtuesin e automjetit tip ‘Mini Cooper’, me targë AA323DZ, shtetasin E. Zeli. Policia po punon për të zbardhur shkaqet e aksident që çoi në plagosjen e 23-vjeçarit.